Мир - вашему дому, покой - вашей душе!
Роберт Луис Стивенсон
Верескдин мед
(Баллада)Верескдикай хкуддай
Дегь чIавуз шире.
Ширинни тир, кефлини,
Чехирдин жуьре.Ам къажгъанра ргадай,
Бугъ алахьна физ,
Кутаз гурлу межлисар,
Хъвадай гьар йифиз.Амма садра шотландрин
Пачагьдин рикIе
Пиктрал вегьин акъатна –
Тун абур йикье.Сад амай кьван акъвазнач
Атанвай къанлу.
Чанлудаллай кьейиди,
Кьейидал - чанлу.Мад гад хьана, верескди
Ахъайна цуьквер,
Амма касни амачир,
Ргадай метер.Вири-вири ксанвай
Сурара къайи,
Чпиз гьакьван багьа тир
Дагълара хайи.Пачагь физвай гуьнедай,
БалкIандал алаз.
Гьуьлуь адан хиялар
Тухузвай яргъаз.Верескдик вил хкIур кьван,
РикI незва хъиле:
Мед хкуддай сир адаз
Чир хьанвач гьеле.КьветIе аваз акуна,
Хабарна сада,
Адан патав хканва
Бубани гада.Буба - кьуьзуь са кIулац,
Буйдизни аскIан.
Гададинни тир жеди
Йисар цIувад кьван.Абур кьведни рагалла,
Пачагьдин вилик...
Яцра хьиз, бугь язава
Лепейри кIаник.Гьарайзава пачагьди:
-Тергда за куьн кьвед,
Нагагь лугьун тавуртIа,
Гьазурдайвал мед.Бубани хва лалзава
Чеб алай рагал,
Квазни кьазвач душмандин
Ажугълу суал.Давам хьанач яргьалди
И лал тир гьуьжет,
-Ихтияр це, пачагь, заз
Рахаз вав хелвет.Агат хьана кьуьзуьди
Пачагьдин патав:
-Ам аял я, ахмакь я,
Меддин сир гва зав.Квезни чириз гьазур я –
Чан ширин я заз,
Амма лугьуз регъуьзва,
Гада къвалав гваз.Къуй ам кьуна кутIунрай
Аскерри кIевиз,
Къван гилигна гадаррай
Рагалай гьуьлуьз.Ахпа за квез ачухда
Веерескдин гьунар...
Вуч паталди пучнава
И кьадар чанар...Шотландви са аскерди
КутIунна жаван,
Гъил эцяна вегьена
Рагалай кьакьан.Адан винел къаткана
Лепеяр пехъи...
Бубадин ван хъхьана
Бирдан мад векъи.-Шотландвияр, хцихъай
Авай зун кичIез:
Адавай куь зулумриз
Дурум гуз тежез.Заз куь цIаяр къайгъу туш,
Гардан жеч зи кIир!
Къе захъ галаз рекьида
Вереск меддин сир...
