Мир - вашему дому, покой - вашей душе!
СТIАЛ СУЛЕЙМАН
ЖЕДАЙД ТУШЭй фекъир! Ви цIару кашу -
Винел къуьл экIя жедайд туш!
Ягъалмишмир, хва кьейди, чу -
Кьусудал къуьл квя жедайд туш!Заманадин ужуз - масан,
Чазни чида чи пис - хъсан,
Къад - яхцIур йис хьайи инсан
КьепIина эчIя жедайд туш!Вуна вун гьахъ лугьуналди,
Ви а батIул гафуналди,
Жуван рикIиз кIан хьуналди,
Аршдихъ гьич тIуб кя жедайд туш!Фагьумзава за ви крар,
Цаварик кутаз жеч гурар!
Ламран винел чергес пypap,
БалкIандивди тай жедайд туш!Гьикьван куьк хьайитIан зурба,
Хъваз жеч мурдал якIун шурпа,
Вуч асилдай ламран супа -
Хуьнухалди тай жедайд туш!Муьжуьд мам квай цIару кчаз,
ЦIегьрез хьиз, бацIи жедайд туш,
А тербият гумир на чаз
Марифат кицIиз жедайд туш!Галатна юргъун хьуналди,
Гаф яваш рахун хьуналди,
Деве вич яхун хьуналди,
СикIрелай гьвечIи жедайд туш!Фагьумна за са бязибур -
Вич гьакIан юхсул такабур,
Мядендин ракь тушир гапур
Чархунал хци жедайд туш.БатIулдаз гьахъ лугьуналди,
Яд гъиз жеч гьич сафуналди.
Йифди, югъди яд гуналди
Кьурай затI ицIи жедайд туш.Фикир ийиз жуван къулав
Ацукь акьул кIватIна къвалав.
Са затI - вич бинедай чIулав,
Чуьхвена лацу жедайд туш.Нефес авай чархарикай,
ГьикIда авам халкьарикай?
Хъархъу тарцин хъархъарикай
Гьич хурма - къайси жедайд туш.Ажеб авам я чи Куьре;
Чизмач я тепе, я дере.
Бейхабар кIасналди сикIре
Филдин кIвач кьецIи жедайд туш.Я язух, гьайиф тийижиз,
Вичиз я югъ, йиф тийижиз,
Я бей, я элиф тийижиз,
Тимдикай къази жедайд туш.Тежер кардал чIугваз зегьмет,
Алахъмир вун, я беймирвет.
А вилик суз авур гьуьрмет
Адан дуван цIи жедайд туш.Акьулди гьакI атIуналди,
Гуж ийиз вуна тIуьналди,
Эхир масдан затIуналди
Масадаз рузи жедайд туш.И дуьньяда шумуд садан
Гъиле жез акъатна майдан.
Эхирки ришвет къачурдан
Гарданни яцIу жедайд туш.ТIвар инсан яз вич гьакIан мал.
Дуьз гафунал тийиз амал,
Багьа затI яз акьул камал -
Гзаф иеси жедайд туш.Нагагь хьайтIа гьаким лукьман
Ахмакьвилиз жедач дарман.
СтIалви факъир Сулейман
Пис кардал рази жедайд туш.
