Мир - вашему дому, покой - вашей душе!


Джалаладдин Руми

    Бишидини начагъди

Са бишидаз «къунши тIазва» ван хана,
Адетар я, са кьил чIугваз кIан хьана.

Ван текъвезвай, зун адав гьикI рахада?
Эвелдай за, -Гьалар гьикI я?,- жузада.

«Ачух жезва»,-жаваб гуда, шад хьана,
Зани адаз: «КIани кар тир фад хьана».

«На вуч незва?» - ТIвар кьада са хуьрекдин,
За лугьуда: «Ам тIуьн я ваз герек тир».

«Жерягь вуж я?»- кьада ахпа за хабар,
Начагъдани ачухда заз садан тIвар.

«Ам устад я,- тариф твада за худда,-
ГатIунай кар ада кьилиз акъудда».

Гьа икI вири веревирдер авуна,
Ада кефсуз къуншидал кьил чIугуна.

-Гьалар гьикI я?- хабар кьуна бишида,
-Валлагь, къунши, хъсанзавач, рекьида.

Фикирарнач атанвайда яргъалди:
-КIани кар тир хьана икьван чIавалди.

«И кицIин хва душман ятIа, низ чидай»,-
Зуз язавай меселлайдан ивидай.

-Вуч незва на, вуч жезва ваз кфетлу?
-Маса затI туш, хуьрек хьанва заз агъу.

-Дугъриданни, лап кутугай хуьрек я,
Анжах са гьам ваз исятда куьмек я.

Тажуб хьана фикирзавай начагъда:
«ТакIан женни, къунши яз, и саягъда».

-Жерягь вуж я?- хъукьвазвачир атайди.
-Азраил я зи къайгъуда авайди.

-Камаллу я, устад я ам вижевай,
Эхирдалди тухуда кар гъилевай.

Зани адаз, акурла, юкь татабда,
Ви кIвалахар фад куьтягьун тIалабда.

Гьафи хьана, рак агална къецелай,
Хъфена ам лап рази яз вичелай.

Адаз акI тир, начагъдал кьил чIугуна,
Адалатлу са кар вичи авуна.

Меселлайдан хъелдик зигьин кур хьана,
Адан гьалар рекьидай кьван чIур хьана…

 

На титульную страницу >>>

На главную страницу >>>

 

 

Цитата месяца: "Целые народы ненавидят уроды" М. Бабаханов