Мир - вашему дому, покой - вашей душе!
ЕТИМ ЭМИН
Заз сабур гуз...
Заз сабур гуз,вун ккуьз жеда лугьурбур:
Бес ишедай кар хьайи кас шедачни?
Эй, вилериз ашкъидин дерт такурбур,
Дуьньядал бейгьал хьайи кас шедачни?Жув хьайила кIан хьунухьин савдада,
Гьатна иблис зинни ярдин арада,
Алцурарна ам са юкъуз чарада,
Тухудай вахтар хьайи кас шедачни?Гафар-чIалар гьатна халкьдин сивера,
Югъ-къандавай жувни гьатна кIевера,
Са садан тIвар кьаз кIамай кьван эвера,
Чуькьни тийир дустар хьайи кас шедачни?Йифди-югъди гьарая - садазни къвеч ван.
Жегьил уьмуьр фена гъиляй зи жаван,
Яр чарадаз, бедлем хьайла тIвар жуван,
Лагь куьне, - рикI тIар хьайи кас шедачни?ТIушунна бахт лап кIеви тир ахвари,
Чил кьежирна вилерай тай накъвари,
КутIунна далудал мягькем халкьари,
Хажалатдин ппар хьайи кас шедачни?Чан месе гьатна, къвалав къвер яр авач.
Гьич са межлисдани жуван тIвар авач.
Яр къвалав гваз, суьгьбет жери кар авач.
Ихьтин агьузар хьайи кас шедачни?ТIебиатди вучиз заз и тIал гана?
Ярар-дустар физ виликай къвал гана...
Гила хуьряй экъечIдани, кIвал гана?
Гегьенш чилер дар хьайи кас шедачни?Уьмуьрда гьич са жегьилвал такунал,
Хажалатар хьун сад садан далудал;
Гьамишанда жуван кьилел, чурудал
Рехи тир чIарар хьайи кас шедачни?
