Мир - вашему дому, покой - вашей душе!
* * *
Ви гъилер – шагьвардин тарланар
ГуьцI жезва зи ифей хъуьхъверив.
Ви кифер – чIулав тир иланар
Къекъвезва зи рикIиз рекьерихъ.Секин хьухь, са герен секин хьухь,
Валлагь, чун нефес кьаз рекьида.
Ширин хьуй, мадни къуй ширин хьуй
ПIузаррал чразвай некьияр.АкI авай, зи рикI са гьулдан я,
Бес вучиз, мум хьана, цIразва?
Ви цIару вилер заз - гьейран я –
Женнетдиз варар хьиз аквазва.Ачухмир, абур на ачухмир,
Чизва, заз туькIуьдач женнетар:
Гунагьрин кIватI я зун, кукIрух я.
Аман, за авур кьван къелетар!Аман, захъ хьайи кьван танишар,
Аман, зун фейи кьван гуьруьшар,
Аман, за авур кьван гуьзетар,
Аман, за чIугур кьван лезетар.Акъвазмир, минет я, акъвазмир,
Вучиз вун а патахъ элкъвезва?
Тек къе зун жувавай яргъазмир –
Зи рикIел масабур хуьквезва…
