Мир - вашему дому, покой - вашей душе!
МУЬГЬУЬББАТДИН КУЬЧЕ
Гьар жуьредин тIварар ганва куьчейриз –
Шаирринни, игитринни суваррин.
Куьчейрилай чир хъижезва невейриз
ТIварар чпин рагьметлу тир бубайрин.Лермонтов са Машукдал туш кьейиди,
Агъзурралди куьчейрани кьена ам.
Гагаринни цавуз туш са фейиди,
Агъзурралди куьчейризни фена ам.Зун цуькверин куьчейрани къекъвена,
Акуна заз къванциз элкъвей махарни,
Кьил агъузна, кагъазрал за кхьена
Са шумудра дидейрин пак тIварарни.Дугъриданни, гзаф ава куьчеяр,
Игитар хьуй, бес тежедай кар авач,
Амма ингье каталогрин жергеяр –
Гьич санани муьгьуьббатдин тIвар авач.... Мад хуруда аламатдин цIай кузва,
КIвачеллачиз катзава зун живедай.
За зи рекьиз кIанивилин тIвар гузва,
Ша захъ галаз муьгьуьббатдин куьчедай…
