Мир - вашему дому, покой - вашей душе!
РАГЪ
Йиф.
Рагъ ава зи утагъда.
Нида гьатай кицIин тIиш хьиз,
Къекъвезва зи къелемдин кIвенкIв
Чарчелай -
Ракъиникай кхьизва за шиирар.Кьурун патал симинавай
Зи аялдин пекинавай
МукIур твадай тIеквендай
ЦIай аквазва пичинин.Экв гьатнава зи рикIе.
Секин я кIвале:
Лампа тунва патрумда,
ПтIих хьиз
Аялдин сиве.Вири-вири ксанва.
Уяхзама анжах зун.
Заз ахвар гьич ахварайни аквазвач:
Йиф ятIани,
Зун паталди кузва рагъ,
Къава авай лампа ваъ,
Рагъ -
Пичин вилик симинавай
Зи аялдин пекинавай
МукIур твадай
ТIвекв...
