Мир - вашему дому, покой - вашей душе!
КЪУНШИДИН КИЦI
Са кицI авай зи къуншидиз,
Къене мад кицI авайди хьиз,
Яшинда чвак тагайди хьиз,
Югьди-йифди акъваз тийиз элуькьдай.Гьар къелем гваз ацукьай кьван,
Вагьшидин ван галукьай кьван,
Зи кефидик хкуькьдай.Минетзавай за къуншидиз
Ам гьаятрай квадра лугьуз,
Са рагалай гадра лугьуз,
Мад заз а ван тежервал.
Эхир ада лагьана:
-Секин жезвач гатана,
На са гурцIул гъайитIа заз,
Ам бегенмиш хьайитIа заз,
И вагьшидин кьилиз са фенд акъуддай.Хъсан гурцIул жагъурнай за,
Ам къуншидиз ракъурнай за.- Вуч фенд кьунай ада вичин вагьшидиз?
- Ганай муькуь къуншидиз.
