Мир - вашему дому, покой - вашей душе!
ЯХУН ВЕРЧ
Четин вахт тир Куьреда:
Ам гьакимри тарашзавай,
Гьарда вичин жуьреда.Эхир жемят са фикирдал атана –
Маса чара амачир,
Арза ийиз ТIифлисдиз фин кьатIана
(Гьана авай губернатор Къавкъаздин).Амма кесиб итимрик
Касни квачир
Я урус чIал,
Я гуржи чIал чидайди,-
Куьревияр къекъвезвай.
Гьатзавачир арзачи яз фидайди.Эхир чара амукьнач,
Мумкин тахьай
ЧIал чидайди жагъурун,
Жемят кIватIна кьабулна
Лишандалди
Чпин тIал-гьал къалурун.-Чунни гьа икI ава, -лугьуз,
Чан аламаз
Са яхун верч чухвана,
Куьревийри
Ам ТIифлисдиз тухвана,
Губернатор авай кIвалин .
Къаравулдив вугана.Губернатор куьревийрал
Нарази яз амукьна,
Абурун гьич са кIвалахни туькIуьрнач –
РакIарилай элкъуьрна.
Гьисабна лап къелет яз,
Гьинай гьиниз атана,
Яхун верч гъун –
Ришвет яз...
