Мир - вашему дому, покой - вашей душе!
* * *
Гацум хьанва гардан кьунвай кьве гъилни,
КичIезва заз вун ахварай аватиз.
Аламат я - шадни я зун, сефилни:
Гьайиф
и йиф акъатиз.Чарчардик квай зун ви чIулав чIарарин,
ПIузарри пIуз цIурурзавай, агатиз,
Мурцари хьиз цIайлапандин цIаярин.
Гьайиф
и йиф акъатиз.Ракъини хьиз, нур гузвай ви къуьнери,
Ара-ара яргъандикай хкатиз.
Некягьнай чун фекьийри ваъ, кьинери.
Гьайиф
и йиф акъатиз.ТIарзавай заз ви хуравай хтари,
Туьмердавай хъуькъверик къвез акатиз.
Чуьхвенай чун чи гьекьерин ятари.
Гьайиф
и йиф акъатиз.Гьикьван вахт тир, квахьнавай зи ферикъат,
Акваз, гьалтиз, лугьуз тежез, къакъатиз.
Хиялрилай гуьзел я кьван гьакъикъат!
Гьайиф
и йиф акъатиз.Гацум хьанва гардан кьунвай кьве гъилни,
КичIезва заз вун ахварай аватиз.
Аламат я - шадни я зун, сефилни:
Гьайиф
и йиф акъатиз.
