Мир - вашему дому, покой - вашей душе!
ДИДЕ
1
Хтанва зун хайи кIвализ,
Ацукьнава пичинив.
Дикъетдивди килигзава диде заз.
Сел физва зай гьекьедин:
Чизвач, гзаф чим гузвайди
Пич ятIа,
Я тахьайтIа вилер ятIа дидедин...2
Кьил чуьхуьзва дидеди.
За, хиялри тухвана,
Иличзава адал яд:
- Бесрай, чан хва.
- Каф кума, бах, лацузма, -
Иличзава за мад яд -
Хкатзавач сакIани:
Бирдан рикIел хтана зи
Рехи тирди адан кьил...3
Сандух авай дидедихъ.
Ада хуьзвай дапIарда
Къизилар ваъ,
Кафандин агъ.
Сандух ама гилани,
Ам ичIи я...
