Мир - вашему дому, покой - вашей душе!
ЧИ МАРКВ
Зун гьикьванди тиртIа, лугьун четин я:
Са патахъай,
Тарсунай «кьвед» атайла,
Зун акъатна шехьзавай,
Муькуьнихъай –
Чи магьледал хтанвай
Руш-гададиз (адан чIарар атIанвай)
Гьар юкъуз са чар кхьизвай
-Вун заз кIан я, -тестикьариз ачухдиз.Зи хсуси почтальонни авай заз –
Къуншидин руш Секинат,
Ада кьулухъ са кагъазни гъизвачир:
Руш-гадади гузвачир заз жавабар…Зулун югъ тир,
Мад кхьена,
Чарчиз жаваб тагайла,
Зун маркунихъ чуьнуьх хьана шехьзавай.
Секината кардин тегьер кьатIанай,
Ам зи патав атанай :
-Шехьмир, шехьмир,
КIанзаватIа,
Заз пагьар це, -лагьанай.
Куьз ятIани за ганай…Гьа чIавалай гуьгъуьниз,
Маркунихъ физ гьар юкъуз,
ПIагьар гузвай чинеба.
Гьатта мекьи хъуьтIуьзни,
Мартдин вацран юкьваралди-
Мартдин вацра куьтягь хьанай
Чи салавай маркв…
