Лезги ким

ЧАРАБУР

Зунни вун – чарабур,
Авач чи араяр:
Я заз вун, я ваз зун багьа туш.
Захъни вахъ – чахъ кьведахъ
Къайгъуйрин хараяр,
Сад садан тIалдиз чун дава туш.

Зи рагъ ваз куькIуьзвач,
Ви варз заз мегьзавач –
Са дуьнья кьатIузва кьве тегьер.
Я зун ваз хъуьрезвач,
Я вун захъ шехьзавач,
Гьамиша дегиш я чи гьиссер

Заз няни фад хьана,
Ви гъедни экъечIнач –
Дуьнья чаз кьведазни мичIи я.
Я зун вахъ къекъвезвач,
Я ваз зун жагъизвач –
Кьведанни къужахар ичIи я.

За дагъда кIватIзавай
Цуьквер ваз хкидач –
Абур я масадан тIалабун.
Ви кифни йифериз
Зун патал чкIидач –
Заз ганвач ви чIарар гьисабун.

Зи бахтар геж хьана,
Ви бахтни атанач,
Вилер ви гьамиша рагъсуз я.
Белки чун хатадай
Сад садаз жагъанач,
Белки чун хатадай бахтсуз я…

 

 

На первую страницу >>>