Мир - вашему дому, покой - вашей душе!
ЗА ВУЧДА КЬВАН
Зун дагълара-цавун патав къекъвезва,
ЦIиртI ягъайтIа, заз гъед туьхуьз кичIезва.АлукIзавач бармакарни чIичI авай-
КIукI ракъини алугариз кичI ава.Гьар фидайла са кьил чIугваз кIанидал,
Расзава за мекер вацран гуьзгуьдал.Къурху жезва, кIвачикай къван хкатна,
Агъадавай лекь рекьиз, ам аватна.Гагь, алахъиз кагьул тирла пчинал,
Фу чразва дидеди заз ракъинал.ЦIайлапанар квез аквазвай, квез чизвай,
Шиирар я за цаварал кхьизвай.Зи кьакьанвал, фикирмир, зи тахсир я-
За вучда кьван, зун дагъви я, шаир я.
