Мир - вашему дому, покой - вашей душе!
ЭХИРИМЖИ ШАИР
Низ гьарайда, вуч чарайда,
Шумуд йис я зи вил алаз:
Аквадач хьи чи арайра
ЦIийиз атай жегьил аваз.Шаирвилин сирлу рекьер
Хкязавач гиланбуру,
Куьз я мекьер, куьз я гьекьер,
Иеси жез фуан кьуру.Тухуз жери жуьреяр туш,
Чебни кьама ялар авай,
Пулар авай кисеяр хуш,
Ктабрилай чIалар авай.Гуя жезва къван чандикай,
Ивидикай – яд дамарра!
Бес зи гуьзел ватандикай
Манияр ни давамаррай?Алимарни чал гьалтзама,
Авачиз туш арифарни,
Чи рушарин акьалтзамай
Бес авурай тарифар ни?Бул я жеди зи тахсирар,
Белки зи вацI рагъулзава,
Кьисмет, вун-шагь, зун есир я,
Вири-вири кьабулзава.ШанкIал ая, кIантIа гижи,
Анжах тек са къаза гумир:
Заз зи халкьдин эхиримжи
Шаир жедай жаза гумир….
