Мир - вашему дому, покой - вашей душе!
ШАРВИЛИДИКАЙ МАНИЯР
ШАРВИЛИДИХЪ ИШЕЛ
Кегьер шивдин неси хьайи хва,
Халкьдин рикӀни жигер хьайи хва,
Яд душманриз зегьер гайи хва,
Вун амач хьи, вай!Чаз гьар йикъан далу хьайи,
Фу авачирла, фу гайи,
ЦӀай авачирла, цӀай гъайи
Хва амач хьи, вай!Бес чаз куьмек ни гурай,
Ни чи гъил кьурай,
Ни чи чилер хуьрай,
Гьида чи мулкарал абур гъурай?
Хва амач хьи, вай!Халкьдин агъ-жамал хьайи хва,
Халкьдин агъ-камал хьайи хва,
Цавар дагъдин беден авай хва,
МуркӀар дагъдин къуьнер авай хва
Амач, амач, вай!Асланрикай дустар авай,
Къурухра миргерив къугъвай,
Чуьллера къушарив рахай,
Гатфарин чубарук хьиз хкведай,
ЧӀередал лиф хьиз хкведай
Хва амач хьи, вай!«Шарвили!»—лугьуз, цавар шехьиз,
УькӀуь, туькьуьл ятар кӀвахьиз,
Шемерханум гъуц цава ишез,Агьузарханум гъуц чилел ишез,
Вун гьи терефдихъ алатна, хва?
Вун гьи уьлкведиз акъатна, хва?
Ваз гьи гьуцра агь авуна,
Вун хутахиз темягь авуна?
Гьи гъуцра вакай вичиз хва авуна,
Гьи гъуцра вакай вичиз мидя авуна?
Вун чи рикӀни жигер тир хьи,
Вун чи руьгьдин бегьер тир хьи!
Вун авачиз кӀвал рекъида чи,
Вун авачиз хебни мал рекьида чи.
Вун чи эрчӀи гъил тир хьи, хва!
Вун чи чапла гъил тир хьи, хва!
Вун чи кьве лув тир хьи, хва!
Вун чи чандин цӀайни ялав тир хьи, хва!
Вун чи ивидин гьерекат тир хьи, хва!
Вун чи гьар йикъан мярекат тир хьи, хва
Гьамиша халкьдин рикӀе хьайи,
Гьардан мецел, виле хьайи,
Яд касдинни сиве хьайи,
Уьмуьр женгерин рекье фейи
Хва амач хьи, вай!..
****
КӀелед хивяй шим рахада,
Чан Шарвили дидейрин!
ТӀури вацӀун къум рахада,
Чан Шарвили дидейрин!
Къуза пата къвед къугъвада,
Чан Шарвили дидейрин!
Цавардагъдай лекь къудгада,
Чан Шарвили дидейрин!
Чархун кьилел кьунар агъзур,
Чан Шарвили дидейрин!
Килигиз вун хъфей ягьуз,
Чан Шарвили дидейрин!
Гаф хаз меци атӀуз-атӀуз,
Чан Шарвили дидейрин!
Туна вуна вири ялгъуз,
Чан Шарвили дидейрин!
Жезмач чавай дуьз чӀал хъулгьуз,
Чан Шарвили дидейрин!
Вуна гатай а душманри,
Чан Шарвили дидейрин!
ХьайтӀа вучда чун пашманриз,
Чан Шарвили дидейрин!
Кьуд патахъай гарар къведа,
Чан Шарвили дидейрин!
РикӀер атӀуз харар къвада,
Чан Шарвили дидейрин!
Вахъай бес гьикӀ атӀурай вил,
Чан Шарвили дидейрин!
Ви тарифрай ацӀуда чил,
Чан Шарвили дидейрин!
Вучда чна къвайтӀа хьелер,
Чан Шарвили дидейрин!
Пуч хьайитӀа масан эллер,
Чан Шарвили дидейрин!
Вучда чна тахтайтӀа вун,
Чан Шарвили дидейрин!
Бирдан герек атайтӀа вун,
Чан Шарвили дидейрин!
ГьикӀ жеч герек чӀехи арха,
Чан Шарвили дидейрин!
Виридалай рикӀиз багьа,
Чан Шарвили дидейрин!
Вахъ вил галаз шехьда эллер,
Чан Шарвили дидейрин!
РикӀел хкиз кӀвале-кӀвале,
Чан Шарвили дидейрин!..* * *
Аферин чи Шарвилидиз пагьливан!
Аферин чи Шарвилидиз къагьриман!
Адан гьунар пара я,
Пара я!
Ам дердериз чара я,
Чара я!
Къалурзавач ада вич,
Чи душманар ийиз гьич!
Шарвили я, Шарвили,
Хкажай чи тӀвар виниз!
Шарвили я, Шарвили,
Хкажай чи кар виниз!
Ам чахъ галаз авазва,
Анжах ам чаз аквазвач!
Анжах ам чаз аквазвач,
Ам чахъ галаз рахазвач!...ШАРВИЛИДИН КЬИНИКЬИКАЙ МАНИ
КӀелез хиве шим рахазе,
Чан Шарвили дидезин.
ВацӀын кӀана къум рахазе.
Чан Шарвили дидезин.
Цава хьелер хар ыкъозе,
Чан Шарвили дидезин.
Чиле гьахьиз, хыкар жезе,
Чан Шарвили дидезин.
Ацахьзеве кӀебелз цылар,
Чан Шарвили дидезин.
Манжалыхза этей къонер,
Чан Шарвили дидезин.
Алатаз физ еке патар,
Чан Шарвили дидезин.
ТӀури шегьер ви рикӀ алей.
Чан Шарвили дидезин.
ИергьикыкӀар ви кӀвал эвей,
Чан Шарвили дидезин.
БарбатӀ хьане, персер этей,
Чан Шарвили дидезин.
Акьаз, жезве пара шонар,
Чан Шарвили дидезин.
БацӀрын пехъи кӀапӀал гьахьей.
Чан Шарвили дидезин.
Амеч элзиз чара—аман,
Чан Шарвили дидезин.
Бедензатей, таза—лацы,
Чан Шарвили, дидезин.
Амач элзиз чара—аман,
Чан Шарвили, дидезин.
Ярх хьаневе вун—паливан,
Чан Шарвили, дидезин.
Къе гьуцарни йезве пашман,
Чан Шарвили, дидезин.
ФикӀ эх изе залым душман,
Чан Шарвили дидезин?
Пармак алай гьар са къытыш ,
Чан Шарвили, дидезин.
Персер хыра хьанве арыш,
Чан Шарвили, дидезин.
Душман теар йе паб, йе рыш,
Чан Шарвили, дидезин.
Ине хьыныхь вич мумкин тыш,
Чан Шарвили, дидезин.
Ви дабанар—зайиф чака,
Чан Шарвили дидезин,
Йейзи тадиз персез чирна,
Чан Шарвили дидезин,
Алапехъре—ви халыз хва,
Чан Шарвили дидезин,
СукӀуризи, йеай гъуцра,
Чан Шарвили дидезин.
Т1ури дере хьанве яры,
Чан Шарвили дидезин.
Т1ури дере хьанве яры,
Чан Шарвили дидезин,
Тухузеве Алпан вацӀы,
Чан Шарвили дидезин;
Сел ивизин, ви ан хары,
Чан Шарвили дидезин.
Чанзик киве ви ширин чан,
Чан Шарвили дидезин,
ВекӀегьвилел хуьвей Ватан,
Чан Шарвили дидезин,
Алпанз пачагь ВичӀер — аслан
Чан Шарвили дидезин,
Кьейи дуьнья тышни масан,
Чан Шарвили дидезин?
Ви шош Ширин ишезеве,
Чан Шарвили дидезин,
Чан алаз ам сыра тунве,
Чан Шарвили дидезин;
Залым быба ей Шампуре ,
Чан Шарвили дидезин;
Китесфунзен къе яс эве,
Чан Шарвили дидезин.Шарвилидихъ диде шехьзавай гафар
Ахцегьа ик1 лугьуда:КӀелез хивяй шим рахаза,
Чан Шарвили дидезин.
ВацӀун кӀанай пул рахаза,
Чан Шарвили дидезин.
Кесибрин терефдад,
Тнач вуна залумкар,
КӀелезин тӀвар амукьза,
Шимер шеза ваг рахаз,
Тарихза т1вар-ван аваз,
Залумрихъ рум галукьза,
Чан Шарвили дидезин.
Халкь паталзи гьунарар,
Кьадар ийиз залумар,
Ви азад рехъ амукьза,
Ватан хуьруьз ваг рахаз,
Тарихза т1вар-ван аваз,
Рекьидач, вун амукьда,
Залумрихъ рум галукьза,
Чан Шарвили дидезин.Шемерханум — экуьнин гъуц
Агьузарханум — хажалатрин, ишелрин гъуц.
