Мир - вашему дому, покой - вашей душе!
ШАРВИЛИДИКАЙ МАНИЯР
ШАРВИЛИДИН СУСАН ТАРИФ
Чи мехъер я, ая кьуьлер,
Ая кьуьлер, я чан эллер!
Я чан эллер, бул хьуй мелер,
Чи гъизвай свас я вуч иер!
Экв ятӀа им цаву гайи,
Нек ятӀа им векьи гайи?
ЦӀир хьиз, бирдан хкечӀна им,
Тар хьиз, бирдан экъечӀна им.
Ида абур гъизва хьи чал,
Ида са нур гъизва хьи чал!
Им варз ятӀа, им рагъ ятӀа,
Мул цуькверин са багъ ятӀа?
Цаву вегьей гъед яни им,
Барза патан къвед яни им?
Гьар са хъвехъ я пад яру ич,
Вилер цӀару пӀарла я вич!
Кьилел чӀемер цуз тӀун куьне!
Рекьел виртӀер цуз тӀун куьне!
Къуьнуьхъ, гъана, квар акала,
Гъилерихъ къизил цамар акала!
Эвелни эвел цел твах куьне,
Вил тухудай кьел кӀвах куьне!
Шарвилидиз лайих я ам,
Акьван тӀарам, кӀвач-кьил тамам.
Я чан эллер, ая кьуьлер,
Къе чиди я зурба мехъер.
Гъуцари хуьй, Шарвили, вун,
АцӀурнавай шадвилив чун!
Квез Алпанди гурай бахтар,
ЧӀеме аваз фий куь вахтар!
Я чан эллер, я чан эллер,
Чи гъизвай свас я вуч иер!
Чи гъизвай свас я вуч иер,
Куьне адаз ая кьуьлер!..ШАРВИЛИДИ ГИЯР ВИЛАЯТДИН СЕРГЬЯТАР ДУШМАНРИКАЙ АЗАД АВУНИКАЙ МАНИ *
Чархун кьилел суван цӀегьер
Хкадариз къугъвазвай.
Шарвилидиз абурун тегьер
Гуьнед кӀаняй аквазвай.КӀуфар патахъ лекьери
Лувар гузвай цавара,
Куьк кавалрик сикӀери
Ракъар гузвай чархарал.Шарвилидин чӀехи суьруь
Гуьне тирвал чкӀанвай,
КӀватӀиз хипер чӀуран дили
Гадад аман атӀанвай.Бирдан цавар рахана,
Чилел цӀаяр чкӀана.
«Вуч хабар я, вуч хабар,
Вучиз рикӀел хьуй къабар?»
СакӀани кьил акъатдач,
Хабар цавай аватдач.Шарвилидин кьулакай тур хкатна,
Гадар хьана чилел, са агь акъатна.
Килигна чи Шарвили, килигна,
Тур хкажна, чкадал эхцигна.
Цава къугъвазва хьелер,
Кузва кьуд пата хуьрер.Гияр авай цӀун кьула,
Шарвили — дагъдин тӀула!«Гьинава вун, пагьливан,
Халкьдин гьунарни дарман?»—
Лугьуз, гьарнай жузазва,
Кьушун лезги юзазва.«Чан Шарвили, чан Шарвили,
Фад хъша вун, Шарвили!
Вун авачиз, вун галачиз,
Душман викӀегь жезва хьи!
Вун авачиз, вун галачиз,
Адан тӀем чал къвезва хьи!
Кузва, кузва къелеяр,
Гьайиф ша чи келлеяр!
Ви цурай шив рахазва,
Кек ягьиз, кьен жакьвазва!»Шарвилидин кӀвачерик
Накьвар фена чилериз.
Гьакьван, гьакьван хъел аваз,
Гъиле таран хел аваз,
Хтана ам, хтана,
Душмандал ам атана.Вичел эвел гьалтайбур,
Эвел гъиле гьатайбур
Вири ада бамишна,
Гьич садни таз къимишнач.Агь, душманри дереда
Шадвалзавай ивидал.
Къвазвай хьелер, турари
Чил пайзавай зулариз.
Кьиле аваз ЧӀулав шагь,
Кьуру келле, кими тах,
Санай-саниз рекьевай,
ЧӀулав пайдах вине кьаз.Мадни, мадни ксари чи жузазва,
Шарвилидин гьунардикай рахазва.
Эверзава пагьливандиз вирида,
ЧӀехидани, гъвечӀиданн кьуьзуьда:
«Чан Шарвили, чан Шарвили!
Фад хъша вун, Шарвили!
Вун авачиз, вун галачиз,
Душман викӀегь жезва хьи!
Вун авачиз, вун галачиз,
Адан тӀем чал къвезва хьи!»Шарвили, чан Шарвили,
Вун алай шив гар хьана!
Шарвили, чан Шарвили,
Вуна мегьуьн тар гъана!
Шарвили, чан Шарвили,
Акъудна на чиляй кьацӀ!
Шарвили, чан Шарвили,
Авадарна тамам вацӀ!
Шарвили, чан Шарвили,
Шивдин кӀвачер физва цӀай!
Шарвили, чан Шарвили,
Къат-къат гьекьер физва вай!
Шарвили, чан Шарвили,
Ви гьар са тӀуб са тур я!
Шарвили, чан Шарвили,
Душманрин кар лап чӀур я!
Гияр шегьердиз къведай
Рекьер, кӀамар ацӀанвай.
Чка дар яз къекъведай,
Кам камуна акӀанвай.Арабаяр, аскерар
Рекьеваз са гьафте я.
Кьил акъатдач сенгеррай —
Гьим эхир, гьим сифте я.
Къвезва, гатуз вацӀар хьиз,
Къвезва дагъдиз, азар хьиз.
Зулун къайи ракъиник
Нурар гузва кьеркьери.
Зулун къайи ракъиник
Шадвалзава пехъери.
Ингье, ингье атана,
Шарвилиди гадкӀана
Душман, гьалчиз мегъуьн тар,
Фурсар авур экуьнлай.
Мадни, мадни инсанри чи жузазва,
Шарвилидин гьунардикай рахазва.
Эверзава кьегьалдиз чи вирида,
ЧӀехидани, гъвечӀидани, кьуьзуьда:
«Чан Шарвили, чан Шарвили,
Фад хъша вун, Шарвили!
Вун авачиз, вун галачиз,
Душман викӀегь жезва хьи!
Вун авачиз, вун галачиз,
Адан тӀем чал къвезва хьи!».«Уф,—лагьана гадади,—
Тифтиф цавуз акъудда!
Куьмек гурай худади
Шагь шивдилай алуддай!
Кьегьал ятӀа, экъечӀрай,
Акъажиз зав эгечӀрай.
Къалуррай тӀун гьунар бес
Авай ада яргъи мез!»
Хабар шагьдал агакьна,
Шагь гьасятда авагъна.
ЭкъечӀна ам майдандиз,
Яд уьлкведин аслан хьиз.
Кьве гъил вичин къакъажна,
Кьуна, чи кас хкажна.
Амма гьалчиз хьанач хьи,
Физ метӀел кьван чилиз вич!Шарвилиди кьуна шагь
Акъатдайвал сивяй агь,
Цавуз бирдан акъудна,
Чилел зарбдиз авудна.
Шагь накьвадал алкӀана,
Эхир нефес атӀана.
Акатнаваз къал-макъал,
АтӀанаваз ширин чӀал,
ЧӀулав кьушун юзана,
Пайдах чилел алгъана.
Душманрив гвай яракьар
Арандихъди элкъвена,
КӀвачел аскӀан балкӀанар
Атайвалди хъфена.
Лезгийрив гвай дамахар,
Галтадиз тур-турвакьар.
Иер гафар лугьузвай,
Шарвилидив рахазвай:
«Чан Шарвили, чан Шарвили,
Вилерин нур, рикӀерин нур!
Чан Шарвили, чилин абур,
Гьамиша чи эл хуьз гьазур!..»
