Мир - вашему дому, покой - вашей душе!


ЗИ МУРАД


Женнетдиз хьиз, Ахцегьизни
Физвай рекьер четинбур я.
Са къекъуьндал – пурпу накьвар,
КIане ятар къалинбур я.

-Аламат я тухун тавун,
ВацIуз ятар атай чIавуз!-
Гьейран хьана килигзава
Вири-вири виняй агъуз.

Раган кIане, вацIун хиве
Зурба тир са къаяб ава,
Налугьуди кицIин сиве,
Жакьваз тежез, кIараб ава.

Туьнт лепеяр, иланар хьиз,
Чеб-чпелай алчуд жезва.
Язух къаяб, ци басрухиз,
Гагь дуьздал, гагь кучуд жезва.

Амма чIарни юзазвач ам,
ВацI вич хазва, ада акьур:
Турунин хьиз къилав ганвай,
Хци хьанва къаябдин хур.

Пехилзава зун а къванцел:
Маса мурад авачир захъ,
Адавай хьиз хуьз хьанайтIа
Завайни зи Ватандин рехъ…




На первую страницу >>>


 

 





 

Цитата месяца: "Целые народы ненавидят уроды" М. Бабаханов

 

Сайт управляется системой uCoz