Мир - вашему дому, покой - вашей душе!
ЗУННИ РАГЪ
Фикирмир, зунни рагъ
Сад садаз къарши я -
Зун чилел ракъинин
Сад лагьай къунши я.Гагь-гагь чи арада
Булутар гьахьзава,
Амма за уф гайи,
Гьабурни квахьзава.Рагъ, гьар югъ хьайила,
Къвезва зи суракьдиз.
Кьведани цуькверай
Чиг хъвазва, эрекь хьиз.Ахпа чун дуьньяда
Къекъвезва заз ярдихъ.
Яраб руш аматIа,
Тефей чун дакIардихъ?Гуьруьшдин вахт атай,
За хабар ийизва –
МичIи хьун паталди,
Рагъ рагахъ хъфизва.Цаварин къукърумар
Чи ванлу тостар я…
Зунни рагъ дуьньяда
Сад лагьай дустар я.
