Мир - вашему дому, покой - вашей душе!
ЗУН КВЕЛ ШАД Я?
Гьар сеферда, сивик хъвер кваз акур кьван,
Вуна зи рикI суалралди падзава:
-Гьиниз фена хажалатар, чIугур кьван?
-Вахъ вуч ава? Квел вун акьван шадзава?-Зун квел шад я?
Магьрум хьунал ясдикай,
Зун паталди уьмуьрдихъ тIям-дад хьунал,
Дуьньядаллай вад миллиард касдикай
Жув беден сагъ-саламат тир сад хьунал.Чилел хьунал гьава, нефес чIугвадай,
Къанихдайла хъвадай гьамга яд хьунал,
Вилер хьунал, гуьрчег гьар затI аквадай,
ТIебиатда гагь гатфар, гагь гад хьунал.Къуьлер хьунал никIе, тумар вегьейла,
Йиф цIрайла, заминдиз югъ атунал,
Гьар гатфариз цавара рагъ куькIвейла,
Зулуз хъфей къушар кьулухъ хтунал.Зун квел шад я?
Заз жаваб гуз регьят я,
За лугьуда, амма ваз ам сир жеда:
Зун уьмуьрда квел шад ятIа исятда,
Ваз уьмуьрдай хъфидайла чир жеда…
