Мир - вашему дому, покой - вашей душе!
* * *
Уьмуьрдини, савдадавай папа хьиз,
Сифте гузва, ахпа вири вахчузва,
Им мад са йис, инкъилабди агъа хьиз,
Ингье кьуна суьргуьн ийиз тухузва.На лугьуди накь аялрин арада
Машгьур тир зун надинжбурун надир яз.
Къе лагьайтIа, машгьур я - вуж агъада?-
Умуд кутаз жедай жегьил шаир яз.А чIавалай гьикьван вахтар алатна.
Шумуд гьекьер авахьна зи пелелай.
Зун зи рикIик, поезддик хьиз, акатна,
“Тахъ-тахъ” ийиз физва ам зи винелай.ЦIигел тушир зун и кьисмет-кьадардихъ:
Аялвилин къайгъусузвал квадарна.
Зун уьмуьрди Поэзидин дакIардихъ,
Чарадалай хьайи хва хьиз, гадарна.Гьа дакIардихъ галама зун къедалди,
Шехьда анихъ инсанриз ван къведалди...
