Мир - вашему дому, покой - вашей душе!
САГЪРАЙ, ЖЕГЬИЛВАЛ!
Дердияр бул, дердерни зи еке я,
Муьгьуьббатдиз ибадатдай вахт амач.
Жегьилвал – им бахтавар са уьлкве я,
Амма ана зун паталди тахт амач.Куьтягь хьана зи мегьрибан манияр,
Биришрини пелел хуьлер атIузва.
Цава зулун куьчда авай къарнияр
Гила, ял кьаз, къаткайла, за кьатIузва.Налугьуди галтугзава тартади,
Юртава зун, кьулухъ вилни ягъ тийиз.
ЯхцIур йисай акъатна зун хатадай,
РикIни хана, чанни артух сагъ тийиз.Дустар квахьна, заз акурди бед сед я:
Садбур чIехи, хибри хьана муькуьбур.
Душманарни гила – пехил сад-кьвед я,
Амач куьгьне, рушар патал хьайибур.Яраб гьиниз фенатIа цIай хуравай?
Зазни течиз, адал яд ни илична?
Куьтягь хьана гъалибвилин «Ураяр»,
Зун гьунарлу балкIандилай эвичIна.Ракъини хьиз, цIарцIар гузмач вилери,
Рагъ хьтин руш фейитIани виликай.
Минетзамач заз сиренрин хилери,
Гуьруьшриз твах лугьуз са-сад чпикай.Эхь, жегьилвал женнет багъда сефер я.
Захъ ам амач – рикIиз гузва за сабур:
Кеф чIугуна жувани са сеферда,
Гила ана къекъуьрай къуй масабур.
