Мир - вашему дому, покой - вашей душе!
АЖАИБ КСАР
(Лезги шаирриз)
Гьализ за уьмуьрдин араба
Я хейлин йисар.
Гьалтна зал инсанрин арада
Ажаиб ксар.Вири хьиз – хамни як винелай,
Къене пад – къизил.
Абуру лув гузва чилелай,
Гьакьван я кьезил.Кьисметди датIана вольтзава
Абур, ягъиз рех.
Абурал гьамиша гьалтзава
Фан канвай къерех.Шадвилер масабур паталди,
Абуруз гуз тIуш.
Дявейриз масабур – гужалди,
Абур – аваз хуш.Абуруз авай туш чара тIал –
Сухай хьиз гапур.
Муькъвелай хьиз физва СиратIал,
Уьмуьрдай абур.Абурун кьисметда фер ава,
Самур кьван дерин.
Хуруда сагъ тежер хер ава –
Чкадал рикIин.Чеб гьар сад барутдин амбар я,
ХкIуртIа жизви…
Эхь, гьахьтин ажаиб ксар я
Шаирар лезги.
