Мир - вашему дому, покой - вашей душе!
* * *
Каспийдихъай секиндаказ атана,
Мад чилин циф гьатна ЯркIи дереда.
Ичин тарар, чпин чIарар чухвана,
Акъвазнава йикь куьтягьай жуьреда.Квехъ вуч хьана? Вуч тIал я квез акурди?
Гьиниз фена куь виликан дамахар?
Белки куьне зи дерт ятIа чIугурди?
АлуднатIа белки залай гунагьар?Гьавайда я, нагагь ахьтин кар ятIа:
Зи дерт квелай кьезилариз алакьнач.
Мурад-метлеб зи бахтунин зар ятIа,
Куьне заз куьз мад жегьилвал суракьнач?Гьайиф! Гьайиф куьтягь хьайи гуьруьшар,
Сифте темен, бейнидиз тIал акъудай.
Гьинва гила зи эвелан танишар?
Вуж я къанлу, завай абур къакъудай?Кьурай пешер, тазияр хьиз вердишрай,
Гужуналди экIя жезва кIвачерик.
Вахтар фена, куь емишар дадмишдай,
Зи пай кумач квелай атIай ичерик.Гатфаралди хуькведач мад ракъарни,
Гагь марфари, гагь живери къелетда.
Гьайиф текъвез акъатзавай йикъарни,
За анжах рагъ, анжах гатфар гуьзетда.
