Мир - вашему дому, покой - вашей душе!


ЯВШАНАР

Х. Хаметовадиз

Явшанар, чуьлдавай явшанар,
Сад я чи са бязи лишанар:
Куьне хьиз, гьа зани зи чанда
КIватIзава туькьуьлвал ватандин.

Ахпа чаз ийизва къаргъишар,
Ахпа чаз лугьузва, векъи я.
Явшанар, жемир куьн перишан,
Ам ватан кIан хьунин гьакъи я.

Куь кьисмет са акьван чIурузвач,
Гьелекиз тахьурай гъамуни:
Эхь, чIижре квелай вирт къачузвач,
Гузвач кьван гъуьлягъдиз агъуни.

Атирар таз маса цуьквериз,
Атирсуз хьунал куьн рази я.
Явшанар, рех яна цуьрцериз,
Куьн чилел къведайла кьуьзуь я.

Гадайри кIунчI кьаз куьн шадардач,
Кутадач рушари чIарарик.
Эхирдай жеда куьн гадарна,
Руг михьдай кулар яз, кьурарик.

…Экъуьгърай къуй чпиз кIамай кьван,
Мад чахъ вуч агь-къаргъиш галукьда:
Ватандихъ туькьуьлвал амай кьван,
Чун гьакIни туькьуьл яз амукьда.

 

 

 

На первую страницу >>>

 

 

 





 

Цитата месяца: "Целые народы ненавидят уроды" М. Бабаханов

 

Сайт управляется системой uCoz