Мир - вашему дому, покой - вашей душе!


ЯРАН СУВАР

Кьуд пад тирвал гур цIаяр я,
Хуьревайди масад я!
Къе гатфар я, къе сувар я,
Югъни, йифни къе сад я.

ДакIардихъ къвез, хъурхъур вегьез,
Чуьнуьх жезва гъвечIибур.
ЗатI гайибур хъфидалди,
Къвен хъийизва цIийибур.

Итимарни, цIарцIе аваз,
ЦIаярилай элкъвезва...
Мад зи рикIел куьз ятIани,
А тахьай Яр хуьквезва.

ХъуьтIуьн вахт тир, гъуьрчез фейи,
Буба кьена хканай –
Са геренда чи кIвал, гьаят,
Хуьр атана ацIанай.

Яран сувар тухваначир,
Вирида яс чIугунай.
Чи хуьрел пехъ ацукьнавай,
ЦIаяр акваз дугунай.

Алатнавай кар ятIани,
ЮкIвар-чипIер чIугурла,
Йиса садра нубат жезвай
И шадвилер акурла,

КIан жезва заз гьар садавай,
Кьил хурудал татабиз,
А йисуз Яр хьанач лугьуз,
Бейкеф тахьун тIалабиз.

 

 

 

На первую страницу >>>

 

 


 

Цитата месяца: "Целые народы ненавидят уроды" М. Бабаханов

 

Сайт управляется системой uCoz