Мир - вашему дому, покой - вашей душе!
* * *
Хайи хуьряй хъфидайла
Куьч хьана,
Чун дидеди тухванай
Бубадин сурал.
Адахъ гьвечIи
ВацIун вили къван галай,
Са жуьредин кхьинарни алачир:
Нагагь диде галачиртIа,
Мумкин тир, чаз чир тахьун.Чун секиндиз акъвазнавай,
ТIуб-тIуб накъвар авахьзавай
Дидединни чIехи вахан хъуьхъверал...
Ахпа вири
Хуьр галайвал са кьадар рехъ хъфейла,
Катиз-катиз хтана,
Къванер гьалчна,
За бубадин сурун кьванцин пIипI ханай.
-Вун дели куьз хьанва, - лугьуз,
ЧIехи ваха галтугна зун гатанай.
Зун шехьзавай.
Tlap хьана ваъ, гатайла,
Куьз ятIани шехьзавай гьакI гьавайда...Ругуд лагьай варз я им за кIвалахиз,
Зи рикIик ква бубадиз къван расиз тун.
Адан сур заз
Гила диде галачизни жагъида:
Къванцин са пIипI аламач...
