Мир - вашему дому, покой - вашей душе!


ГЪВЕЧIИ РУШАЗ

 

Чан, бубадин гъвечIи руш,
Чан, бубадин чубарук,
Гатфар куьтягь хьайила,
Атана вун зи къавук.

На зи гатфар акъажна,
Саф хъувуна сегьерар,
На зи рикIе хкажна
Шадвилерин шегьерар.

Чан, бубадин гъвечIи руш,
Чан, бубадин чубарук,
Вучда, гьикIда атайтIа,
Ви цавариз чинеруг?

Гарал гуьзгуь юзайтIа,
Лугьуз: «Им вуч ван ятIа?»
Ваз малум туш гьелелиг,
Гьикьван заз вун кIан ятIа.

Чан, бубадин гъвечIи руш,
Чан, бубадин чубарук,
Бубадин чан, гар хьана,
Акатрай ви луварик.

Чиг хьурай – цихъ кьурайла,
Галатайла – тар хьурай,
Гишиндайла, зи чан ваз
КIуф ядай са твар хьурай.

Чан, бубадин бубу цуьк,
Чан, цавари гайиди…
Гъилевай затI кхьиз тур,
Гьикьван шехьда, кьейиди!…





На первую страницу >>>

 






 

Цитата месяца: "Целые народы ненавидят уроды" М. Бабаханов

 

Сайт управляется системой uCoz