Мир - вашему дому, покой - вашей душе!
ДУСТАРИКАЙ КЬВЕ ШИИР
1
(Дустар атайла)
Дустар, заз куьн кIусни агъур туш,
Квехъ гелкъуьн туш хьи заз кичIе кар:
Маса затI тахьайтIа, гьазурда
Квез за зи рикIикай пичIекар.Эрекьар эцигда харада,
Акъвазда къе зун куь къуллугъда.
Шалбуз дагъ хьурай чи тамада,
Садбур хъван, ша, гьадан сагълугъдай.Тостарни ацIанва цIийибур,
Ван хьайи гьич садни тикрардач.
Къе рикIел хкидач кьейибур!
Къе чна кIанибур бизардач!Агатмир, яргъаз хьухь, сефилвал!
Куьнни квахь, эхирсуз дердияр!
Къе чна илигда кфилдал,
Къе чна кукIварда батIрияр.Лугьурай: « Хъивегьиз гьахьнава!»
Мадни вуч кIантIани лугьурай.
Белки чи келле къе квахьнава,
Анжах чи дуствал квахь тавурай!2
(Дустар хъфейла)
Заз дуствал са гаф туш адетдин,
Заз дуствал ивидин эвер я:
Уьмуьрда – чешме зи жуьрэтдин,
Кьейила – хкаждай къуьнер я.Шад тирла, такабур лувар я,
Шийирда – рикIик квай дестекар.
Тек дуствал халисан курсар я,
Гьазурдай халисан эркекар.Чун гьар сад дуьньяда я къунагъ,
Садбур фад, садбур геж хъфида –
Виридаз, виридаз экуь рагъ
Са юкъуз гьамиша акIида.Тади кваз хкажда къуьнерал,
Тухвана гадарда сурариз:
Нагъв къведа сад-кьведан вилерал,
Шад жеда чилик квай шарариз.ГьакI тирла, квез я кьван гьуьжетар,
ГьакI тирла, чапхунна вучзава.
Халисан уьмуьр я – лезетар,
Амай вахт чна гьакI пучзава.-Вуна, паб, са хинкIар хъийизва!
-Вунни, хва, акъвазмир, фад звера –
Халуйриз, чи кIваляй хъфизвай,
Кьулухъди хъша лагь, эхвера…
