Мир - вашему дому, покой - вашей душе!


* * *

 

Диде, заз дикъетдив килигмир:
Ви хва къе сифте яз пиян я.
Минет хьуй, пелел гъил эцигмир,
Зи гьалар гьелелиг хъсан я.

Заз чизва, закай вун дакIунва,
Туьгьметиз,- Хъунар вуч гьунар я?
ГьикI хъвадач – заз мад вун акунва,
Диде, заз къе чIехи сувар я!

Жув авай ЯркIарин ягъвара
Дуьнья за мидя яз гьиссзава:
Вун, диде, гьамиша – яргъара,
Заз, диде, гьамиша писзава.

Са карни туькIуьзвач бегьемдиз,
Къенин хъел гваз хъфиз пакадиз.
Зун ава, кьуьд тирла, зегьемдиз,
Гад тирла, чандик фул акатиз.

Вилерал нагъв гъизвач ятIани,
ЯтIани кьил хурал гьалчзавач,
Диде чан, вучда кьван, сакIани
Зунни бахт сад садал гьалтзавач.

Зарул зул завай ни къакъудда?
ЧIагъариз муьтIуьгъ туш зи рагъни!
Ярхарна кьейила кучудда –
Уьмуьр за акъудда къарагъна.

Анжах вун, анжах вун сагъ хьурай,
Яргъалди, жезмай кьван яргъалди:
Вакай заз кьведлагьай рагъ хьурай,
КуькIвенвай тек са зун паталди.

Диде, заз дикъетдив килигмир,
Ви хва къе адетсуз эркин я.
Минет хьуй, пелел гъил эцигмир –
Ада зун алугрун мумкин я…

 

 

На первую страницу >>>

 

 

 

Цитата месяца: "Целые народы ненавидят уроды" М. Бабаханов

 

Сайт управляется системой uCoz