Мир - вашему дому, покой - вашей душе!
* * *
Чи гьиссериз хас яз амач хцивал,
На лугьуди яд алатай турар я.
Гьиниз фена чи туьмеррин цицIивал?
Гила вири гуя буржлу крар я.Вахтар хьанай, яргъайни вун акурла,
Гьиргьир ядай хура хаму балкIанди.
Хатайдай ви бедендик гъил хкIурла,
ЦIайлапандин цIаяр къурдай Алпанди.Ни фикирнай, а югъ къведа лагьана,
Зи вилер ваз, виридаз хьиз, килигдай.
Ни фикирнай а йиф къведа лагьана,
Вун къвалаллаз, ястухдал кьил эцигдай.Ни фикирнай, жуван гъилер азад яз,
Эхда за ви юкь дуъзмишна яхада.
Ни фикирнай, къвалаллайди вун сад яз,
Зун ашкьидин гафар квачиз рахада.АкI куьз ятIа, аял туш хьи, заз чизва,
АкI куьз ятIа, гьич са кIусни заз сир туш:
Накь чун къвезвай, къе секиндиз хъфизва.
Ам уьмуьр я, - я зи, ви тахсир туш.Чалай аслу туш кьисметдин кIвалахар,
Чиди вуч я - къачун ада гайиди.
Чна хъвана чи бахтунин булахар,
Гила ана хьурай вичиз хьайиди!...
