Мир - вашему дому, покой - вашей душе!
АЗАД ШЕГЬЕР
Са девирда и шегьер зи ватан тир,
Дустар галаз янай пара чIагъанар.
Заз зи ярни, къенин къалди масан тир,
Масанай ваъ, и шегьердай жагъанай.Налугьуди гьар акурди багъри тир,
Герек чIавуз агакьдай ви гьарайдиз.
Ина шадвал, ина бахтар яргъи тир,
Ина пашман кас тадачир субайдиз.Вахтар фена. Зун мад иниз хтанва,
КIвадардайла туьк къавахдин тарари.
Заз дустарин кIвалер вири жагъанва,
Амма къенез ахъайзавач варари.Варар, варар! Тик жидаяр винеллай,
А жуьреяр къелейрикни хьайид туш.
ДапIарризни килигайла чпеллай,
Анрай гуя гьич са касни фейид туш.Зун элкъвезва, гьалтайбуруз хъуьрезва,
Амма къарши хъвер вахкудай кас авач.
Вири чинар атIугъарна къекъвезва,
Налугьуди ина чIехи яс ава.Бакар хьана, хабар кьуртIа са кар на,
Я рахазвач, я ийизва тапарар.
Азад шегьер, ви тIул на заз ашкарна:
РикIерални ала ина дапIарар.Лугьузвай гьа: «Мад гъуьнтIуьник рекьидач!»,
Лугьузвай гьа: «Азабрикай хкудна!».
Ваз азадвал ганва жеди, заз чидач,
Амма вавай гзаф затIар къакъудна.Ина амач кьарай, гьуьрмет ва шадвал.
За негьзава дапIарравай азадвал.
