Мир - вашему дому, покой - вашей душе!
АХВАР
Мукъаятдиз,
Аса чиле акIуриз,
Акъатнава зи къаршидиз буьркьуьди.
ТIалабзава завай вичиз вилер гун.
КIанидавай жузазва за:
-Ваз зун кIан яз амукьдани,
Нагагь вилер тахьайтIа?
КIанида “Эхь” лагьана,
За гана.Са вахт фенач,
Зи патав сад
Гъилер къачуз атана.
Мад кIанида зун вичиз,
Гъилер квачиз хьайитIани,
КIанз амукьда лагьана.
За гана.Мад атайбур гзаф хьана,
Гзаф затIар гана за,
Гьатта жуван кIвачерни.
Вичивай вуч жузуртIани,
“Эхь” лугьузвай кIанида.Вахтар фена.
Вичин цIийи перем акун тавурла,
Хъел атана кIанидаз.Садра адаз кIан хьана
Гардан кьуна за вичин,
Завай хьанач -
Къуьнуьхъ гъилер галачир,
Адаз мад хъел атана.Ам са юкъуз акъваз тийиз,
Цуькверикай рахазвай,
Адаз фена за чуьлдай
Чиг аламай цуьквер гъана кIанзавай,
Амма завай жезвачир,
КIвачер кьведни багъишна.
Мад сеферда хъел атана кIанидаз.Ам экъечIна хъфена
За, патав рикI кIанз атайла,
Тагайдан кIвализ...
